Һонин нюур
08.06.10 17:12 Давность: 93 удэр
Буряад орон Чингис хаанай нэрэтэй холбоотой аяншалгын проектнүүдые Монголдо үзүүлхэнь
Буряад орон угсаатанай-аяншалгын юһэн түбүүдэй проектнүүдые Монголдо үзүүлхэеэ бэлдэжэ байна. Монголой ниислэлдэ энэ зундаа болохоёо байһан «Алтаргана-2010» гэжэ уласхоорондын буряад угсаатанай фестивалиин хэмжээн соо тэдэ проектнүүдтэй танилсалга болохонь гэжэ ИТАР-ТАСС-ай корреспондент Алексей Субботин мэдээсэнэ.
«Буряад һуурин газар» гэжэ ниитэ нэрэ доро нэгэдэһэн проектнүүдые муниципалитедүүд бэлдээ юм. Тэдэнэй тоодо Ивалгын аймагта «Агууехэ Чингис хаан» гэжэ хэдэн хубитай үзэсхэлэн, Улаан-Үдэ хото шадар «Хунну уласай хаан Шаньюй Модэйн бууса», Бэшүүрэй аймагта «Чингис хаанай зам. Мэргэдүүдые бута сохилго» гэһэн түб оролсоно. Мүн тиихэдэ Түбэй Азиин нүүдэлшэдэй заншалта һэеы гэр соо аяншадые угтан абаха хэдэн газарнууд түхеэрэгдэхэ юм. Апрель һарада Буряад болон Монголой хоорондо аяншалга хүгжөөлгэдэ хоёр уласай харилсаан тухай хэлсээн баталагдаһан байна. Аяншалгын һалбарида суг бэелүүлхэ проектнүүд хэлсээгээр хараалагдаа. Юһэдэхиеэ үнгэргэгдэжэ байһан буряад угсаатанай «Алтаргана» фестиваль (талын шэрхи ургамалай буряад нэрэ) мүнөө жэлдэ Монгол орондо бусахань. Анхан 90-д оной эхеэр тэндэ буряад арадай дуунай тоглоон боложо мүндэлһэн түүхэтэй. 2002 онһоо хойшо Россиида, Монголдо ба КНР-тэ ажаһуудаг буряадуудай соёл нэгэдэлгын гэршэ һүлдэ болоһон фестиваль Россиин Федерацида хэды дахин болоһон байна.
|
