Һонин нюур

Алтаргана тухай хэлэнэ

 

Д. Жаргалсайхан  энэ наада үүсхэгшэдэй нэгэн, Монгол улсын болон буряадай арадай элитэ дуушан: «Энэ наадам олониитын хэмжээнэй дуунай урилдаан гээд захалhан, харин мүнөө гүрэн түрын хэмжээнэй болонхой, соёл урлагай, спортын гоё hайханай наадан болон мандаба. Иигэжэ дэлхэй дүүрэн тараhан монгол туургатанай оюун бэлигэй hан жасада буряад үндэhэтэнэй «Алтаргана» өөрынгөө хубитые оруулжа байхадань, баярламаар, бахархамаар».

Б. Бальжиров, Буряад Республикын Правительствын Түрүүлэгшын орлогшо: «Дэлхэй  түбиие үргэнөөр эзэлжэ байhан глобализаци гэhэн үзэгдэлдэ монгол туургата арадуудай соёл болбосорол түригдэн, хашагдан, үгы болошохогүй аабза гэhэн һанал бидэниие хүтэлнэ. Монгол гүрэнэймнай толгойлогшод, арад түмэниинь буряадуудай эб нэгэдэлэй hайндэрые бүри  мүhэн дэмжэбэ. Ехэл hайшаалтай. Ямар нэгэн аймаг буландаа  бэшэ, ниислэл хотодоо үнгэргэхые зүбшөөhэниинь ехэ удхатай».

В. Булдаев, ВАРК-ын толгойлогшо: «Хэды зэргын үнэтэй, хэды зэргын сэнтэй юумэнэй болоhые – саг харуулха. Тусхай суглуулбаринууд бэлдэгдэхэ. ВАРК-ын тусхай мүнгэн hангай жаса байгуулха тухай  тодорхой хөөрэлдөөн эхилээ».

Монголдо Буряад Республикын засагай газарай саг үргэлжэ түлөөлэлгын толгойлогшо Ж. Батуев: «Арадаймнай хүгжэлтэдэ асари хубитаяа оруулха  «Алтаргана» гээд бодомоор байна. «Би – буряадби, буряад хүнби» гэhэн омогорхолтой бодолтойгоор эгээл түрүүшынхеэ стадион дээгүүр гараhан монголой буряадууд хэды ехэ сэдьхэл hайхан мэдэрэл түрэбэ гээшэб. Юрэнхыдөө буряад арадай һүр һүлдэ үргэhэн арга хэмжээн болоно!

---